უცხოური ავტორიტეტული გამოცემების მტკიცებით, საქართველოს კალათბურთელთა ნაკრების კაპიტანი თორნიკე შენგელია კარიერას მოსკოვის ცსკა-ში გააგრძელებს.
ესპანური, ბერძნული, რუსული და თურქული მედიასაშუალებების ინფორმაციით ესპანური „ბასკონიას“ კალათბურთელმა ცსკა-სთან 3-წლიანი კონტრაქტი შეათანხმა.
გარიგების მიხედვით, „ბასკონია“ კალათბურთელის სანაცვლოდ 1,5 მილიონ ევროს მიიღებს.
თავად შენგელიას აღნიშნულ საკითხთან დაკავშირებით კომენტარი ჯერჯერობით არ გაუკეთებია.
28 წლის კალათბურთელი „ბასკონიას“ ღირსებას 2014 წლიდან იცავს და ბოლო წლებში გუნდის კაპიტანიც იყო.
