სიმართლე გითხრათ, წარმოდგენა არ მაქვს, ვინ რაზე შეიტანა განცხადება და ვინ რაზე მოითხოვა ნებართვა, მაგრამ როგორც თქვენი ტელევიზიები არ ემზადებიან არეულობისთვის, ისე გაერთიანებული ოპოზიცია არ ემზადება არეულობისთვის, – ამის შესახებ „ნაციონალური მოძრაობის“ ერთ-ერთმა ლიდერმა, გრიგოლ ვაშაძემ განაცხადა.
„ქუთაისიდან ახლა ჩამოვედი და სიმართლე გითხრათ, წარმოდგენა არ მაქვს და პატიოსან სიტყვას გაძლევთ არ ვიცი, ვინ რაზე შეიტანა განცხადება და მოითხოვა ნებართვა, მაგრამ როგორც თქვენი ტელევიზიები არ ემზადებიან არეულობისთვის ისე გაერთიანებული ოპოზიცია არ ემზადება არეულობისთვის. თუ რაღაც დრო არის მითითებული, ეს იმისთვის, რომ ეკრანი დაიდგას სცენაზე და იდგეს იქ.
ყველა ჩვენი პარტიის წევრსა და მხარდამჭერს მოვუწოდებ, ძვირფასო მეგობრებო, არავითარ შემთხვევაში არავითარი ძალადობა, ჩავატაროთ ნორმალური, დემოკრატიული არჩევნები, არ მივცეთ ხელოსუფლებას საშუალება, რამე დაგვაბრალოს“, – განაცხადა გრიგოლ ვაშაძემ.
შეგახსენებთ, მამუკა მდინარაძემ დღეს გამართულ ბრიფინგზე განაცხადა, რომ მერიაში შესულია წერილი, რომლის მიხედვითაც, „ნაციონალური მოძრაობა“ არჩევნების დღეს პარლამენტის წინ 12:00 საათიდან იკრიბება და ისინი აქციებისა და არეულობისთვის ემზადებიან.
