გაერთიანებული სამეფოს მთავრობა კორონავირუსთან დაკავშირებით დაწესებული საერთაშორისო მიმოსვლის ე.წ. „წითელი სიიდან“ ყველა ქვეყანას ამოიღებს.
სიაში სულ შვიდი ქვეყანა შედის. ეს ქვეყნებია: ეკვადორი, დომინიკის რესპუბლიკა, კოლუმბია, პერუ, პანამა, ჰაიტი და ვენესუელა. ჩამოთვლილი შვიი ქვეყნიდან ჩასულ სრულად ვაქცინირებულ მოქალაქეებს სასტუმროში კარანტინის გავლა აღარ მოუწევთ.
„ჩვენ შევძელით ამის გაკეთება, რადგან შემაშფოთებელ ვარიანტებს, რომლებსაც ჩვენ ვაკვირდებოდით, სამედიცინო სფეროს მაღალი თანამდებობი პირები აღარ მიიჩნევენ შემაშფოთებელ ვარიანტებად,“- განაცხადა გაერთიანებული სამეფოს ტრანსპორტის მინისტრმა გრანტ შაპსმა.
ამასთან, „წითელი სიის“ სისტემა არ უქმდება და მასში ქვეყანა დაემატება, თუ დაინფიცირების შემთხვევები გაიზრდება.
