გაერთიანებულმა სამეფომ 47 ქვეყანა, მათ შორის საქართველო, მოგზაურობასთან დაკავშირებული ე.წ. „წითელი სიიდან“ ამოიღო. ამის შესახებ უცხოური მედია წერს.
გამოცემის ცნობით, 11 ოქტომბრიდან აღნიშნული 47 ქვეყნიდან ჩასული მოქალაქეებისთვის საკარანტინო სასტუმროში იზოლაციის გავლა საჭირო აღარ იქნება და მათ მხოლოდ პისიარ ტესტის პასუხს მოსთხოვენ. ტესტი ქვეყანაში ჩასვლის დღეს, ან მაქსიმუმ ორი დღის წინ უნდა გაიკეთონ.
შეზღუდვების გადახედვა ყოველ სამ კვირაში ერთხელ ხდება, რაც იმას ნიშნავს, რომ მომავალი განახლება 28 ოქტომბერს განხორციელდება.
გაერთიანებული სამეფოს „წითელ სიაში“ ამ დროისთვის 7 ქვეყანა რჩება.
