ოკუპირებული გალის რაიონის ე.წ. ადმინისტრაციის უფროსი კონსტანტინ ფილია დე ფაქტო რესპუბლიკის საკადასტრო სამსახურის წარმომადგენლებს შეხვდა. მათ გალის კარტოგრაფიული მასალები განიხილეს.
ე.წ. ადმისნიტრაციაში თვლიან, რომ რთულია რაიონის მართვა, მაშინ როდესაც არ არსებობს ტერიტორიის სრულყოფილი სივრცული მონაცემები. აქედან გამომდინარე, გეგმავენ ისეთი დოკუმენტების შემუშავებას, სადაც მოცემული იქნება ინფორმაცია გალის „საზღვრების“, სოფლების და დასახლებული პუნქტების შესახებ.
კონსტანტინ ფილიამ აღნიშნა, რომ რაიონისთვის უპირველესად ყველაზე მნიშვნელოვანია ზუსტი „საზღვრის“ დადგენა, რადგან მანამდე ეს მაჩვენებელი განსხვავებული იყო.
„ადმინისტრაციამ უნდა იცოდეს, რომელი ტერიტორიის მცხოვრებლებზეა პასუხისმგებელი, ასევე ელექტროენერგიის, წყლის თუ სხვა სისტემების ფუნქციონირებაზე“, – განაცხადა გალის ე.წ. ადმინისტრაციის ხელმძღვანელმა.
ავტორი: თეა შონია
