„ევროპული საქართველო“ დღეს, მთავრობის მიერ დაწესებული შეზღუდვების გახანგრძლივების წინააღმდეგ დაგეგმილ საპროტესტო აქციას შეუერთდება.
„ჩვენთვის მიუღებელია ის არაპროპორციული შეზღუდვები, რომლებიც მთავრობას აქვს დაწესებული პანდემიასთან ბრძოლის მოტივით. მაშინ, როდესაც ხელისუფლება უარს ამბობს შეზღუდვების გონივრულ შემსუბუქებაზე, გამოსავალი ერთიანი სახალხო პროტესტია,“ – აცხადებენ „ევროპულ საქართველოში“.
კორონავირუსის პრევენციისთვის დაწესებული შეზღუდვების მოხსნის მოთხოვნით, პარტია „გირჩი-მეტი თავისუფლება“-ს ორგანიზებით დღეს აქციას მართავს. აქცია მთავრობის ადმინისტრაციასთან 14:00 საათზე დაიწყო.
