გლობალურად სიტუაცია სამწუხაროდ, უკეთესობისკენ არ იცვლება, პირიქით, უფრო მძიმდება,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, უწყებათაშორისი საბჭოს წევრების სამუშაო შეხვედრის დასრულების შემდეგ განაცხადა.
მისივე თქმით, ეპიდსიტუაცია უარესდება ევროპაშიც.
ჯონს ჰოპკინსის უნივერსიტეტის მონაცემებით, მსოფლიოში კორონავირუსის შემთხვევების რაოდენობამ 43 მილიონს გადააჭარბა და 43,009,938-ს შეადგენს.
პანდემიის დაწყებიდან ვირუსს 1 153 857 ადამიანის სიცოცხლე ემსხვერპლა.
