„დღეს ქვეყანას 240 000 დიაბეტით ავადმყოფი ჰყავს, ამის გამო ქვეყანას ხომ არ ვეკტავთ? ჩვენ მოგვიწევს კორონავირუსთან ერთად ცხოვრება“,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

როგორც იგი ამბობს, დღეს ჩაკეტვით ეკონომიკა ვეღარ გაჩერდება, ამიტომ საჭიროა სწორი ბალანსი.

„დღეს ძალიან მკაცრ ლოკდაუნებზე აღარ არის საუბარი, მით უმეტეს იმ ტიპის ქვეყნებისთვის, როგორიც ჩვენ ვართ. ეკონომიკას ვერ გააჩერებ, ადამიანებს მეტ სიღარიბეში ვეღარ უბიძგებ, ამიტომ საჭიროა ამ დანის პირზე სიარული, სწორი ბალანსი. ჯანდაცვის სისტემა დღეს ბევრად მზად არის, ვიდრე გაზაფხულზე, ჯანდაცვის სისტემა ბევრად მეტ დაწოლას უძლებს დღეს, ვიდრე ეს მოსალოდნელი იყო გაზაფხულზე.

უნდა გაიხსნას ეკონომიკაც და ამავე დროს მზადყოფნაც. გრიპის დროს ჩვენ ხომ არ ვკეტავთ ქვეყანას? დიაბეტით ქვეყანაში გვყავს ოფიციალურად რეგისტრირებული 120 000 ადამიანი, დაახლოებით ერთი მაგდენია, ვინც არ არის რეგისტრირებული და 240 000 დიაბეტით ავადმყოფისთვის ქვეყანას ხომ არ ვკეტავთ? ჩვენ მოგვიწევს მასთან ერთად ცხოვრება“, – აღნიშნა გამყრელიძემ.

ეპიდვითარებასთან დაკავშირებული 6 მნიშვნელოვანი სიახლე, რომელიც პრემიერ-მინისტრმა გააჟღერა