ტომისაკუ კავასაკი – პედიატრი, რომელმაც ბავშვებისთვის დამახასიათებელი სისხლძარღვების ანთება (ცნობილი როგორც „კავასაკის სინდრომი“)  აღმოჩინა, 95 წლის ასაკში გარდაიცვალა. ინფორმაციას ამის შესახებ  KYODO NEWS-ი ავრცელებს.

კავასაკის სინდრომი ბოლო პერდიოდში კვლავ მოექცა საზოგადოების ყურადღების ქვეშ. კერძოდ, მეცნიერები პანდემიის პერიოდში ბავშვებში აღმოაჩინეს კავასაკის მსგავსი სინდრომი, რომელიც, შესაძლოა კორონავირუსთან იყოს კავშირში.

მიუხედავად იმისა, რომ მეცნიერები კავასაკის სინდრომს დიდი ხანია სწავლობენ, მისი გამომწვევი მიზეზი ჯერ კიდევ უცნობია.

ტომისაკუ კავასაკმა პედიატრად მუშაობა ტოკიოში „Japanese Red Cross“ -ის სამედიცინო ცენტრში 1950 წელს დაიწყო.

1961 წელს მან აღმოაჩინა უცნობი დაავადება, რომელიც ბავშვებში მაღალ სიცხეს, გამონაყარს, გულმკერდისა და მუცლის ტკივილს, ჩასისხლიანებულ თვალებს, ლიმფური კვანძების გადიდებას, ტუჩებისა და პირის შეშუპებას იწვევდა.

მოგვიანებით, ამ დაავადებას ტომისაკუს საპატივსაცემოდ კავასაკის სინდრომი უწოდეს.