„ნებისმიერ შემთხვევაში ასეთი ძალადობრივი მოვლენები ჩვენს სახელმწიფოს და ქრისტიანობას აყენებს ჩრდილს“, – ამის შესახებ ფოთისა და ხობის მიტროპოლიტმა, მეუფე გრიგოლმა  „თბილისი პრაიდთან“ დაკავშირებით განვითარებულ მოვლენებთან დაკავშირებით განაცხადა.

როგროც მეუფე გრიგოლი ამბობს, გასარკვევია, ვინ იყვნენ ადამიანები, რომლებიც ძალადობდნენ

„ნებისმიერ შემთხვევაზე უნდა ვისაუბროთ არა კონტექსტიდან ამოგლეჯილად, არამედ მთლიანად – რა მოხდა. ადამიანი განსაკუთრებით სიფრთხილით ეკიდება იმ წყალობას, რასაც ჰქვია ოჯახი, სახარებისმიერი სიწმინდე. ეს კარგია, მაგრამ კარგი იქნება, რომ ჩვენ არა ამოგლეჯილად სხვადასხვა ცოდვა დავგმოთ, არამედ ზოგადად, ცოდვა დავგმოთ.

საპატრიარქოს აქვს შესაბამისი კომისია და ალბათ იმსჯელებს იმ საკითხებზე, რაც ამ დღეებში გამოჩნდა ძალიან ცუდად“,- განაცხადა მეუფე გრიგოლმა.

ნობისთვის, აქციაზე, რომელიც თბილისი პრაიდის წინააღმდეგ გაიმართა, დაძაბული ვითარებაა. აქციის მონაწილეებმა მედიის წარმომადგენლებს ფიზიკური შეურაცხყოფა მიაყენეს, რა დროსაც საპატრულო ეკიპაჟების მიერ ჟურნალისტებისა და ოპერატოპრების მშვიდ ადგილზე გადაყვანა გახდა საჭირო.

მოძალადეებმა დაარბიეს „სირცხვილიას“ და „თბილისის პრაიდის“ ოფისიც. პრემიერმა განაცხადა, რომ  “მიზანშეუწონელია” “ღირსების მარშის” გამართვა. ამასთან, სამოქალაქო აქტივისტვი, გიგა მაქარაშილი აცხადებს, რომ ღირსების მარში მაინც ჩატარდება.

მიმდინარე მოვლენებთან დაკავშირებით პირველი კომენტარი გააკეთა საქართველოს პრემიერმა, ირაკლი ღარიბაშვილმაც. პრემიერი ამბობს, რომ ყველა პირი იდენტიფიცირებული იქნება და დაისჯება.

ამ დროისთვის ძალადობის ფაქტზე 15 მოძალადეა დაკავებული.