გელათის მონასტერში დროებით გადახურვებსა და კრამიტის საბურველშორის სივრცეზე ქარისგან დამცავი თუნუქის ელემენტები განთავსება მიმდინარეობს. ამ და სხვა სამუშაოებს კომპანია „ბაგინეთი” ასრულებს.
უკვე დასრულდა ღვთისმშობლის სახელობის ტაძრის სახრეთ-აღმოსავლეთით და ჩრდილო-აღმოსავლეთით მდებარე 2 ეკვდერის აბსიდებზე დროებითი გადახურვის კონსტრუქციის ფორმის ცვლილებისა და წყალშემკრები სისტემის მოდიფიცირების სამუშაოები, ტაძრის ქვედაპერიმეტრზე ახლადმოწყობილი ხარაჩოების მეშვეობით, დროებით გადახურვებსა და კრამიტის საბურველშორის სივრცეეზე განთავსდა ქარისგან დამცავი თუნუქის ელემენტები, თუნუქის მყარი საბურველით გადაიხურა სამხრეთ-აღმოსავლეთი და ჩრდილო-აღმოსავლეთი მკლავთაშორისი ფერდები, დროებითი სახურავის ფენილებზე დამონტაჟდა გარემოზემოქმედების დამცავი ელემენტები და წყალშემკრები სისტემა.
„აღნიშნულმა სამუშაოებმა სრულად აღმოფხვრა სახურავიდან ნადენი წყლით ტაძრის საპერანგე წყობის დატენიანების რისკი. გარდა ამისა, არქეოლოგიური ზედამხედველობის ქვეშ მყოფი მთავარი ტაძრის მთელ პერიმეტრზე სათანადო მოეწყო წყალგადამყვანი და სადრენაჟე სისტემა, რომელიც ღვთისმშობლის შობის სახელობის ტაძრის დროებითი გადახურვიდან ნადენი ნალექის ორგანიზებულად მიღებასა და სანიაღვრე არხებში გადაყვანას უზრუნველყოფს. ახლადმოწყობილი მიწისქვესა წყალგადამყვანი სისტემა გამორიცხავს ტაძრის სიახლოვეს წყლის ჭარბი ოდენობით დაგუბების ფაქტორსაც”,- აცხადებენ სააგენტოში.
ავტორი:კესო მოლაშხია
