სვანეთში, 2004 წელს ჩატარებული სპეცოპერაციის დროს დაღუპული ომეხ აფრასიძის დედა, დოდო აფრასიძე 9 ივლისს გენერალურ პროკურორს, ირაკლი შოთაძეს შეხვდება.

შეხვედრა 14:00 საათზეა ჩანიშნული.

შეგახსენებთ, რომ დოდო აფრასიძე დაზარალებულად არის ცნობილი. ის “პრაიმტაიმ ნიუსთან” საუბრისას ჯერ კიდევ გუშინ ამბობდა, რომ უკანასკნელად საქმის გამომძიებელს 5 თვის წინ შეხვდა. დოდო აფრასიძე გენერალურ პროკურორთან შეხვედრას და მის კითხვებზე პასუხებს ითხოვდა.

როგორც ჩანს გენერალურმა პროკურორმა დოდო აფრასიძის თხოვნა გაითვალისწინა და მასთან შეხვედრა ჩანიშნა.

სვანეთში სპეცოპერაცია 2004 წელს ჩატარდა, რომლის შედეგადაც დაიღუპნენ ევგენი და ომეხ აფრასიძეები, გოჩა და შმაგი აფრასიძეები კი დააპატიმრეს. გოჩა აფრასიძეს მისჯილი ჰქონდა 19-წლიანი პატიმრობა სხვადასხვა მუხლების შეკრების შედეგად, ხოლო შმაგი აფრასიძეს – 17-წლიანი პატიმრობა. აქედან მათ 9 წელი მოიხადეს და 5 წლის წინ, ხელისუფლებაში „ქართული ოცნების“ მოსვლის შემდეგ გათავისუფლდნენ.