85 მომხრე, არც ერთი წინაააღმდეგი – მეათე მოწვევის პარლამენტმა გია ვოლსკი პარლამეტნის თავმჯდომარის პირველ მოადგილედ აირჩია.
ამასთან, მოადგილეების თანამდებობა დაიკავეს დავით სერგეენკომ და კახა კუჭავამ. დავით სერგეენკოს მხარი დაუჭირა 84-მა დეპუტატმა, არც ერთი წინააღმდეგი.
კახა კუჭავას მხარი დაუჭირა 86-მა დეპუტატმა, წინააღმდეგი არც ერთი. რაც შეეხება მამუკა მდინარაძეს, იგი ფრაქცია „ქართული ოცნების“ თავმჯდომარე იქნება.
დღეს პარამენტის თვმჯდომარედ აირჩიეს არჩილ თალაკვაძე, ხოლო უმრავლესობის ლიდერად ირაკლი კობახიძე.
საქართველოს ახალი მოწვევის პარლამენტის პირველი სხდომა საქართველოს პრეზიდენტმა, სალომე ზურაბიშვილმა გახსნა. სხდომა რეგლამენტით გათვალისწინებული დღის წესრიგით მიმდინარეობს.
შეგახსენებთ, დღეს საქართველოს მეათე მოწვევის პარლამენტის უფლებამოსილება ოფიციალურად ცნეს. პარლამენტმა საკუთარი გადაწყვეტილებით ცნო 150 დეპუტატის უფლებამოსილება, რომელთა შორის არის 60 ოპოზიციონერი დეპუტატიც.
ნახეთ ვიდეო: დეპუტატებმა ქვეყნისადმი ფიცი დადეს
