„გახარიას და მის პარტიას უნდა, რომ თავისი წინადადებები დღის წესრიგში დააყენოს, რადგან ბოლო პერიოდში ოპოზიციური დღის წესრიგიდან გაქრა”,- ამის შესახებ „ქართული ოცნების“ წევრმა გურამ მაჭარაშვილმა ჟურნალისტებს განუცხადა.
“ახლა რაღაც წინადადება დააყენეს. მათი კანდიდატების თავმჯდომარეობაზე რა მოგახსენოთ, ეს არის ადგილობრივი საკრებულოების გადასაწყვეტი, მათ შორის ჩვენი უმრავლესობის. დარწმუნებული ვარ, კონსულტაციები იქნება იმ დონეზე, რომ „ქართული ოცნების“ წარმომადგენლები და მისი კანდიდატები გავლენ საკრებულოების თავმჯდომარეობის პოზიციაზე“, – განაცხადა გურამ მაჭარაშვილმა.
ცნობისთვის, გიორგი გახარიას პარტია „საქართველოსთვის“ მუნიციპალიტეტებში, სადაც ის გადამწყვეტი ხმის მქონე მანდატებითაა წარმოდგენილი, საკრებულოს თავმჯდომარის პოზიციაზე საკუთარ კანდიდატურებს დააყენებს.
