თუ დავინახე, რომ “ქართული ოცნება” გვეთამაშება და არანაირ შეთანხმებას არ აპირებს, ასეთ შემთხვევაში, მკაფიო განცხადებას გავაკეთებთ, – ამის შესახებ სტრატეგია აღმაშენებლის ლიდერმა, გიორგი ვაშაძემ განაცხად.
მისივე თქმით, თუ “ქართული ოცნება” შეთანხმებას არ აპირებს, მზადაა პროტესტის გაგრძელებისთვის.
“მე ადრეც ვთქვი და ახლაც გავიმეორებ, თუ დავინახე, რომ “ქართული ოცნება” გვეთამაშება და არანაირ შეთანხმებას არ აპირებს, ასეთ შემთხვევაში, მკაფიო განცხადებას გავაკეთებთ. ვერ გაიწელება ეს მოლაპარაკება უსასრულოდ, ხალხიც დაიღალა და თქვენც დაიღალეთ ჟურნალისტები, ერთი და იგივე საუბრით.
ჩემთვის არის გარკვეული ვადა მარტის ბოლო, სადამდეც უნდა დავინახო კონკრეტული ნაბიჯები, მაგალითად, პოლიტიკური პატიმრების გათავისუფლება. თუ ისინი პირიქით გაამწვავებენ და სამწუხაროდ, მათ დეკემბრის შემდეგ გაამწვავეს სიტუაცია და პოლიტპატიმრების რაოდენობა გაზარდეს, ასე თუ მოიქცევიან, ნიშნავს, რომ არანაირი მოლაპარაკება არ უნდათ.
საერთაშორისო ასპარეზზეც ძალიან ბევრი კონტაქტები გვაქვს და შეგვიძლია კიდევ უფრო დიდი წნეხი გამოვიყენოთ “ქართულ ოცნებასთან” მიმართებაში. რა ნაბიჯებიც იქნება საჭირო, იმას გავაკეთებ, არის საჭირო პროტესტი?- მზად ვარ რომ ამის ავანგარდში ვიყო. დავინახავ რეალურ კომპრომისს “ქართული ოცნების” მხრიდან, ამაზეც მზად ვარ,”-აღნიშნა გიორგი ვაშაძემ.
