„სტრატეგია აღმაშენებლის“ ლიდერის, გიორგი ვაშაძის განცხადებით, მასთან გარიგებისთვის არავინ მისულა. თუმცა, თაკო ჩარკვიანთან მივიდნენ.
„ნამდვილად არ ვიცი, კონკრეტულად ვინ იყო მისული, არ დავინტერესებულვარ, რადგან ზუსტად ვიცი, რა პასუხსაც მიიღებდნენ თაკო ჩარკვიანისგან ამ საკითხთან დაკავშირებით. ზოგადად, ეს პროცესები უფრო აქტუალური იყო რამდენიმე კვირის წინ, რომ ეგონათ ვიღაცებს გადაიბირებდნენ, მაგრამ დღეს „ქართული ოცნება“ ხედავს, რომ ოპოზიცია ერთიანია და ურჩევნიათ, დასხდნენ მოლაპარაკების მაგიდასთან. ზურგს უკან მოლაპარაკებებს აზრი არ აქვს“, – განაცხადა გიორგი ვაშაძემ.
შეგახსენებთ, „სტრატეგია აღმაშენებლის“ წევრმა, თაკო ჩარკვიანმა განაცხადა, რომ „კობახიძის ტიპები უკვე ოჯახებში დაძრწიან გადასაბირებლად“.
