„გირჩი“ კი არ დაიშალა, გაიშალა. ბევრი „გირჩი“ იქნება, – ამის შესახებ „გირჩის“ ლიდერმა ზურაბ ჯაფარიძემ განაცხადა.

„2008 წელს ოპოზიცია რომ დაიშალა, ერთ-ერთმა ოპოზიციონერმა პოლიტიკოსმა თქვა, რომ ოპოზიცია კი არ დაიშალა, გაიშალა. ასე რომ, ჩათვალეთ, „გირჩი“ კი არ დაიშალა, გაიშალა. ბევრი „გირჩი“ იქნება“, – განაცხადა ჯაფარიძემ.

ცნობისთვის, ეს ფრაზა სააკაშვილის ხელისუფლების დროს პირველად ლევან ბერძენიშვილმა წარმოთქვა. მაშინაც ხელისუფლებას გაერთიანებული ოპოზიცია დაუპირისპირდა, რაც საბოლოოდ მათი დაშლით დასრულდა. თუმცა, ლევან ბერძენიშვილმა ამას ასე დაარქვა – „ოპოზიცია კი არ დაიშალა, არამედ გაიშალა“.

შეგახსენებთ, რომ, თანაპარტიელებთან გამიჯვნის შესახებ განცხადება ზურაბ ჯაფარიძემ 4 დეკემბერს გააკეთა.