ცესკოს მანდატურის სამსახურის წარმომადგენლების, კომისიის წევრებსა და ოპოზიციის წარმომადგენლებს: ხათუნა გოგორიშვილს, ლევან თარხნიშვილს, გიორგი კირთაძესა და ოთო კახიძეს შორის ფიზიკური დაპირისპირება შემაჯამებელი ოქმების განხილვის დროს, მოხდა.
“თამარ ჟვანია დაგიფასდება, საციხოდ გაქვთ საქმე, დაამთავრე ქალბატონო ჟვანია ეს სიბინძურე, თქვენმა შვილებმა საქართველოში რომ იცხოვრონ არ გინდათ? ისტორიაში მაინც შეხვალთ, რომ დემოკრატიის მცირე ნაწილი მაინც შეუნარჩუნა ჟვანიამ ამ ქვეყანასო იტყვიან, თუ დატოვებთ თანამდებობას.” – ასე მიმართეს ოპოზიციის წარმომადგენლებმა ცესკოს ხელმძღვანელს.
ოპოზიცია 31 ოქტომბერს ჩატარებული საპარლამენტო არჩევნების შედეგებს არ აღიარებს. ოპოზიციური პარტიების წარმომადგენლები აცხადებენ, რომ არჩევნები გაყალბდა და საპარლამენტო მანდატებზე უარს ამბობენ. ხელახალი არჩევნების ჩატარების, ცესკო-ს თავმჯდომარის გადადგომისა და პოლიტპატიმრების გათავისუფლების მოთხოვნით უკვე 2 მასშტაბური საპროტესტო აქცია გაიმართა. აქედან ერთი აქცია სპეცრაზმმა წყლის ჭავლის გამოყენებით დაშალა, რის შედეგადაც მომიტინგეები და მედიის წარმომადგენლები დაშავდნენ. მორიგი საპროტესტო აქცია ოპოზიციამ შაბათს, 14 ნოემბერს, 15:00 საათზე, პარლამენტის შენობასთან დააანონსა.
