კორონავირუსით გორში ექიმი გარდაიცვალა. გივი პარასკევაშვილი კლინიკა ,,გორმედში“ წლების მანძილზე მუშაობდა. პანდემიის დაწყების დღიდან, კი აქტიურად იყო ჩართული კორონავირუსთან ბრძოლაში და ინფიცირებულ პაციენტებს მკურნალობდა.
,,გორმედში“ აცხადებენ, რომ გივი პარასკევაშვილმა დიდი შრომა და ენერგია ჩადო ქართული მედიცინის განვითარებაში.
„ბატონი გივი პარასკევაშვილი გორმედის გუნდის საპატიო წევრი იყო, მან ძალიან ბევრი შრომა და ენერგია ჩადო ქართული მედიცინის განვითარებაში, მისი პროფესინალიზმით და მზრუნველობით ყველა მისი პაციენტი გაკვირვებული რჩებოდა. წარმატებილი ექიმი და მედიცინის დოქტორი ბატონი გივი პარასკევაშვილი ახალ კორონავირუსთან ბრძოლას შეეწირა, გორმედმა და ასევე ქართულმა სამედიცინო საზოგადოებამ ნამდვილი პროფესიონალი და უბრალოდ ძალიან კარგი ადმიანი დაკარგა. გორმედის გუნდის უკლებლივ ყველა წევრი იზიარებს მწუხარებას და თანადგომასა უცხადებს ბატონი გივის ოჯახის წევრებს,“ – აცხადებემ ,,გორმედში”.
ავტორი: თათია გოლოშვილი
