„აჭარა-ტექსტილის“კლასტერი ფართოვდება, ოზურგეთში კორონავირუსი ოჯახის ოთხ წევრს დაუდასტურდა, მათ შორის ორი არასრულწლოვანია.
2 და 4 წლის ბავშვებს ვირუსი დედამ გადასდო, ახალგაზრდა ქალი „აჭარა თექსტილის“ თანამშრომელია.
როგორც კი ქალს კორონავირუსი დაუდასტურდა, მისი ოჯახი ბათუმში საკარანტინო სივრცეში გადაიყვანეს. თითოეულ მათგანს ჩაუტარდა კვლევა და კორონავირუსი ქალის არასრულწლოვან შვილებს და მაზლს დაუდასტურდათ, ხოლო მეუღლე და დედამთილი კოვიდუარყოფითები აღმოჩნდნენ.
„პრაიმტაიმი“ ესაუბრა ინფიცირებულ ქალს, რომელიც გვიყვება რომ აქვს სიცხე და მხოლოდ პარაცეტამოლს ასმევენ.
„ბავშვებს და მეც გვაქვს სიცხე, გვასმევენ პარაცეტამოლს. ჯერჯერობით მეტი პრეპარატი არ დაგვილევია,“ – ამბობს ჩვენთან საუბარში ინფიცირებული.
შეგახსენებთ რამოდენიმე დღის წინ „აჭარა ტექსტილის“ ფაბრიკის ოზურგეთელ თანამშრომლებს კორონავირუსი დაუდასტურდათ,
ავტორი: ნინე ულუმბელაშვილი
