გურიის რეგიონში ბოლო მონაცემებით კორონავირუსის 7 ახალი შემთხვევა დადასტურდა. აქედან 6 ლაითურიდანაა, ხოლო ერთი ლანჩხუთის მუნიციპალიტეტიდან. რაც შეეხება ლაითურში ინფიცირებულებს, ესაა კოვიდპაციენტების მიერ ოჯახის წევრების დაინფიცირების შემთხვევა. ამის შესახებ „პრაიმტაიმნიუსს“ გურიის გუბერნატორი ზურაბ ნასარაია ესაუბრა.

„გურიის რეგიონში გვაქვს კორონავირუსის 7 დადასტურებული შემთხვევა. 6 ინფიცირებული დაბა ლაითურიდანაა, ესაა ოჯახების დაინფიცირების შემთხვევა, ხოლო ერთი გახლავთ ლანჩხუთის მუნიციპალიტეტიდან, რომელიც იმყოფებოდა თვითიზოლაციაში. რაც შეეხება გარდაცვლილ 5 პაციენტს, ჩვენი რეგიონიდან არცერთი არაა“,- გვითხრა გუბერნატორმა.

შეგახსენებთ, ბოლო მონაცემებით გურიის რეგიონში კორონავირუსის 176 შემთხვევაა დადასტურებული. აქედან 134 ოზურგეთში, 31ლანჩხუთში და 11 ჩოხატაურში. დაბა ლაითურში კი შესვლა-გამოსვლა შეზღუდულია. კორონავირუსი დადასტურებული აქვთ პედაგოგებს, მოსწავლეებს, სკოლის ავტობუსის მძღოლს, ციხის მშენებლობაზე დასაქმებულ თანამშრომლებს.

ავტორი: ნინე ულუმბელაშვილი