უნგრეთის საგარეო საქმეთა და ვაჭრობის მინისტრის ოფიციალური ვიზიტი საქართველოში დღეს დაიწყო. პანდემიის შემდეგ ის პირველი მაღალი რანგის სტუმარია.
კოლეგას უკვე უმასპინძლა საგარეო საქმეთა სამინისტროში დავით ზალკანიანმა, სადაც ორმხრივი და მრავალმხრივი თანამშრომლობის საკითხები განიხილეს.
როგორც შეხვედრისას პიტერ სიიარტომ განაცხადა, უნგრელებისთვის ერთ-ერთი ყველაზე მნიშვნელოვანი აღმოსავლეთისკენ პოლიტიკის გახსნაა.
„ამ სფეროში, ბატონი დავით ზალკალიანის შტაბში, ძალიან ბევრი ადამიანი მუშაობს, ასევე 15 ევროპის წარმომადგენელიც. რაც შეეხება ნატოს, ეს პრიორიტეტული საკითხია საქართველოში და ჩვენ გვინდა საქართველოსთვის გავხსნათ სპეციალური პროგრამა, რომელიც საშუალებას მოგვცემს, რომ მომავალში განვახორციელოთ დიდი მოლაპარაკებები ამ სფეროში.
რაც შეეხება თვითონ საქართველოს არის ძალიან ღრმა ცივილიზაციისა და კულტურის მქონე ქვეყანა.
მიხარია რომ ჩვენი ქვეყნები ორივე არის ქრისტიანული, უნგრეთი მხოლოდ ათასი წელია, საქართველო უფრო იდი კულტურის წარმომადგენელია. ჩვენ გვინდა, რომ საქართველო იყოს ევროპული ორგანიზაციების წევრი და საკუთარი კულტურა წარმოაჩინოს იქ. საქართველოსა და უნგრეთს შორის ღია საკითხი არ არსებობს.
ჩვენ გვინდა გავაღრმავოთ ჩვენი ურთიერთობები, ამიტომ უნგრეთის ბანკმა შექმნა 155 მილიონ ევროიანი ფონდი, რომელიც შეიძლება დაიხარჯოს საქართველოს ტერიტორიაზე. ჩვენ ვაღწევთ დიდი წარმატებებს საქართველოს საჰაერო მოძრაობასა და უნგრეთს შორის.
ამას გარდა განათლების სფერო, ძალიან ბევრი ქართველო სწავლობს უნგრეთში და საქართველოს სახელმწიფო უნივერსიტეტსა და უნგრეთის უნივერსიტეტს შორის გამოიხატება, ატომურ სფეროში ერთობლივი მუშაობის პერსპექტივა. ეს აღრმავებს ჩვენ თანამოქმედებას“, – განაცხადა პიტერ სიიარტომ.
ვიზიტის ფარგლებში, უნგრეთის საგარეო საქმეთა მინისტრი კათოლიკოს-პატრიარქს ილია მეორესაც ესტუმრება.
დავით ზალკალიანისა და პიტერ სიიარტოს ერთობლივი განცხადება
Posted by David Zalkaliani / დავით ზალკალიანი on კვირა, 05 ივლისი, 2020
