GWP-ს ინფორმაციით, თბილისის მერიის მიერ, მუხრან მაჭავარიანის ქუჩისა და მარშალ გელოვანის გამზირის დამაკავშირებელი საავტომობილო გზის მშენებლობის პროექტის ფარგლებში, 10 თებერვალს წყალმომარაგების ახალ ქსელზე ჩატარდება გადაერთებითი სამუშაოები, რის გამოც აუცილებელია მაგისტრალური ქსელების წყლისგან დაცლა.
კომპანიის ცნობით, ამის გამო აბონენტების ნაწილს წყალმომარაგება შეეზღუდება.
„10 თებერვალს დღის 12:00 საათიდან 11 თებერვლის დღის 12:00 საათამდე წყალმომარაგება შეეზღუდება
საბურთალოს რაიონში:
დიღმის მასივი I კვარტალს, ვაშლიჯვრის დასახლების მე-2ა, მე-3ა, მე-4 და მე-4ბ ზონებს. მაჭავარიანის, სარაჯიშვილის, გელოვანის, ემხვარის და მიმდებარე ქუჩებს. სოფელ დიღომში მოციქულთასწორის ნინოს, გიორგი ბრწყინვალეს, ი. დოლიძის, დავით აღმაშენებლის, თამარ მეფის და მიმდებარე ქუჩებს“,- ნათქვამია გავრცელებულ განცხადებაში.
