„ჩემი ცხოვრება ტაბლოიდი არაა, მე ოჯახს ვეკუთვნი და არა ადმინსიტრაციას“,- ამის შესახებ ჯო ბაიდენის შვილმა, ჰანტერ ბაიდენმა განაცხადა. ინფორმაციას BBC-ი ავრცელებს.
ჰანტერი ბაიდენის 2020 წლის საპრეზიდენტო კამპანიის დროს კრიტიკის ცენტრში არაერთხელ მოექცა. კერძოდ, ტრამპმა ბაიდენებს „ორგანიზებული დამნაშავეების ოჯახი“ უწოდა და თავს დაესხა ჰანტერ ბაიდენს უკრაინაში ბიზნეს გარიგებების გამო. პრეზიდენტმა ჰანტერ ბაიდენი უკრაინულ ბუნებრივი გაზის კომპანიის დირექტორთა საბჭოში თანამდებობის დაკავების და ჩინეთში საქმიანობის გამო გააკრიტიკა, როცა მამამისს ქვეყანაში პრეზიდენტ ობამას შემდეგ მეორე თანამდებობა ეკავა.
ჰანტერ ბაიდენმა BBC-სთან ინტერვიუში საკუთარი ცხოვრების მნიშვნელოვან დეტალებზე ისაუბრა. მათ შორის ნარკოდამოკიდებულებაზე.
„ახლა ორ პანდემიასთან გვიწევს გამკლავება: კორონავირუსის და დამოკიდებულების“,- განაცხადა ჰანტერმა.
ჰანტერის დედა და და ავარიაში 1972 წელს ავიაკატასტროფაში დაიღუპნენ, მისი ძმა, ბო ბაიდენი კი რამდენიმე წლის წინ, ტვინის სიმსივნით გარდაიცვალა.
„ყველა ნარკოდამოკიდებულისთვის დანაკლისის შეგრძნების შევსებაა ყველაზე მთავარი. მაგრამ თან ამავე დროს იცი რომ ამას ვერაფერი შეავსებს. ეს კი გამუნჯებს“,- ამბობს ის.
ჰანტერის თქმით, ბოს გარდაცვალებამ ის „ძალიან ბნელ ადგილას მიიყვანა“.
„ჩემი ძმა გარდაიცვალა, ცოლს გავეყარე, სახლში მარტო ვიყავი და საოცრად ბევრს ვსვამდი. ეს საშინელი იყო. მწუხარება საოცარ რამეებს გაკეთებინებს. და როცა ამ ყველაფერს ნარკოდამოკიდებულებაც ემატება, ეს ძალიან ძნელი დასაძლევია“,- აღნიშნა ჰანტერმა.
ჰანტერმა დონალდ ტრამპისა და ბაიდენის პირველი სატელევიზიო
დონალდ ტრამპმა ბაიდენთან პირველი სატელევიზიო დებატებიც გაიხსენა, სადაც ტრამპმა ჰანტერის ნარკოდამოკიდებულება ახსენა.
„მე მამას ვუთხარი – ეს ჩვენი ისტორიაა. ეს სიყვარულისა და იმედის ისტორია. უბრალოდ ამაზე გულწრფელად ელაპარაკე ხალხს. ამიტომ მამაჩემის საუბარი პოლიტიკური გათვლა არ იყო, ეს გულიდან მოდიოდა“,- ამბობს ჰანტერი.
კითხვაზე რას ფიქრობს იმაზე, რომ ბაიდენი კენჭისყრას მეორე ვადითაც აპირებს, ჰანტერმა ასე უპასუხა:
„მამაჩემი თავისი გონებრივი და ფიზიკური შესაძლებლობის ჩემზე ბევრად ახალგაზრდა. არ ვიცნობ ადამიანს, ვისაც მასზე მეტი ენერგია ჰქონდეს“,- აცხადებს ჰანტერი.
