ნიკა მელიას მხრიდან ევროკავშირის გირაოს გადახდის მიღება თავისთავად ნიშნავს მიშელის დოკუმენტზე ხელმოწერას, – ამის შესახებ „გირჩის“ წევრმა, იაგო ხვიჩიამ „ქრონიკაში“ განაცხადა.
ხვიჩიას თქმით, ამნისტიის დოკუმენტის შემუშავებაში ნიკა მელიამაც უნდა მიიღოს მონაწილეობა .
„ძალიან რთულად წამომიდგენია, რომ ადამიანი ციხიდან გათავისუფლდეს ამ დოკუმენტის შესაბამისად და შემდეგ მისი ნაწილი არ იყოს. მგონია, რომ არა მხოლოდ უნდა გამოვითხოვოთ, ნიკა მელიამაც უნდა მიიღოს მონაწილეობა ამ ამნისტიის დოკუმენტის შემუშავებაში ისე, რომ ჩვენ მოვახერხოთ შარლ მიშელის დოკუმენტის სრულად რეალიზება. უნდა ვიპოვოთ ის წერტილი, სადაც კონსესუსს მივაღწევთ და ვიტყვით, რომ აი, ეს მუხლი შესრულდა“, – განაცხადა იაგო ხვიჩიამ.
