სომხეთი ჩვენს მილსადენებზე კონტროლის დამყარებას თუ ეცდება, შედეგი იქნება უმკაცრესი,- ამის შესახებ აზერბაიჯანის პრეზიდენტმა, ილჰამ ალიევმა განაცხადა.
ინფორმაციას Reuters-ი ავრცელებს.
„სომხეთი ცდილობს ჩვენს მილსადენებზე თავდასხმა განახორციელოს და მათზე კონტროლი მოიპოვოს. თუ სომხეთი შეეცდება ბუნებრივი აირის მილსადენებზე კონტროლის დამყარებას, შედეგი იქნება უმკაცრესი“, – განაცხადა ალიევმა.
ცნობისთვის, ცეცხლის შეწყვეტის შესახებ შეთანხმება, რომელსაც სომხეთისა და აზერბაიჯანის საგარეო საქმეთა მინისტრებმა მოსკოვში მიაღწიეს, 10 ოქტომბრის 12:00 საათიდან მოქმედებს.
მიუხედავად ცეცხლის შეწყვეტის შეთანხმებისა, ყარაბაღში შეტაკებები გრძელდება.
