ჯანდაცვის საკითხებში ექსპერტი აკაკი ზოიძე მიიჩნევს, რომ არჩევნებამდე საქართველოში ვირუსის პანდემია გაუარესდება. როგორც მან „პრაიმტაიმნიუსთან“ განაცხადა, ჯანდაცვის სისტემა ყოველდღიურად 4 ათასზე მეტი შემთხვევის დაფიქსირებას ვერ გაუძლებს.
„თუ ხვალ დაინახავთ, რომ ადამიანების 95% ატარებს პირბადეს, ათ დღეში, შესაძლოა, ვირუსის გავრცელების ტენდენციამ დაკლება დაიწყოს. თუ არა, ჩვენ მხოლოდ ეპიდემიოლოგიური ბარიერი ვერ დაგვიცავს. ნოემბრის ბოლოს იქნება პიკი, რამდენი დამოკიდებულია ჩვენზე და კონტროლის აღსრულებაზე. ვირუსის შემთხვევათა რაოდენობა გაიზრდება 2 ათასი და მეტი იქნება, ყოველდღიურად გაიზრდება.
ყოველდღიურად 4000-ზე მეტი შემთხვევის დაფიქსირებას ჯანდაცვის სისტემა ვერ გაუძლებს. თუ ჩვენ პირბადეების ტარება დავიწყეთ, ყველაფერი კარგად იქნება. მოსახლეობის ნახევარს არ სჯერა, რომ კორონავირუსის არსებობს, ასეთი ადამიანები უნდა დარწმუნდნენ, რომ ეს რეალური საფრთხეა.
დეკემბერში ზრდა გაგრძელდება და დაემთხვევა სეზონური გრიპის პიკს, რომელიც შეიძლება პირბადით ავიცილოთ, თუ ზედმიწევნით შევასრულებთ რეკომენდაციებს“,-განაცხადა ზოიძემ.
ინფორმაციისთვის, ბოლო 24 საათში საქართველოში კორონავირუსის 1351 შემთხვევა გამოვლინდა
