სამწუხაროდ, პოლიტიკური გადაწყვეტილება იყო, როდესაც ნიკა მელია დააკავეს და ეს კობახიძემ პირდაპირ ეთერშიც მოყვა, რომ პოლიტსაბჭოზე მიიღეს დაკავების გადაწყვეტილება. დღეს ნიკა მელიას გულშემატკივრები სასამართლოს და მოსამართლის გადაწყვეტილებას არ ველოდებით, ველოდებით პოლიტიკური გადაწყვეტილების აღსრულებას, რადგან ამ ქვეყანაში მოსამართლეც, პროკურორიც და შს მინისტრიც არის მხოლოდ ბიძინა ივანიშვილი,- ამის შესახებ „ნაციონალური მოძრაობის” ერთ-ერთმა ლიდერმა, ლევან ხაბეიშვილმა თბილისის საქალაქო სასამართლოს ეზოში გააკეთა.
“თუ ოდნავ ადეკვატურობა შერჩენიათ და უნდათ, რომ მინიმალურად მაინც გადადგან სწორი ნაბიჯი, ამ შემთხვევაში ნიკა მელია გათავისუფლდება ტყვეობიდან, იმიტომ, რომ ამ პროცესებს სამართალთან არანაირი კავშირი არ აქვს. ნიკა მელიას ციხეში დატოვებაც და გამოშვებაც პოლიტიკური იქნება.
წარმოუდგენელია მოლაპარაკება ორ მხარეს შორის, როდესაც პოლიტიკური ლიდერი მოპარულია მაგიდის მეორე მხრიდან. შესაბამისად, თუ ნიკა მელია დაბრუნდება მოლაპარაკებების მაგიდასთან, ეჭვი მაქვს, პროცესი კიდეც უფრო დაჩქარდება და ამის შემდეგ მივალთ იქამდე, რომ საბოლოო ჯამში ჩატარდეს რიგგარეშე არჩევნები და დავასრულოთ პოლიტიკური კრიზისი”, – აღნიშნა ლევან ხაბეიშვილმა.
