პარლამენტის განათლების, მეცნიერებისა და კულტურის კომიტეტის თავმჯდომარე თეა წულუკიანი გრიგოლ ვაშაძის მიერ „ნაციონალური მოძრაობის“ დატოვებას ეხმაურება.
თეა წულუკიანი აცხადებს, რომ ვაშაძის დღევანდელი განცხადება თავისი შინაარსით და ფორმით მისთვის გასაკვირი არ ყოფილა.
“მისი დღევანდელი განცხადება არც შინაარსობრივად და არც ფორმით არ გამკვირვებია. ის საუბრობს ოდიოზურ ფიგურებზე და ერთ-ერთ მათგანს მე ცხელი კარტოფილი დავარქვი, როდესაც მან ციხე დატოვა. მეგონა და მჯეროდა, რომ ეს ის ცხელი კარტოფილი იყო, რომელსაც გონიერი პოლიტიკური ძალა ახლოს არ მიიკარებდა, მაგრამ როგორც ჩანს ეს ის ძალებია, როდესაც “ნაციონალური მოძრაობა” ხელისუფლებაში ყოფნის დროს ეყრდნობოდა. რთულია ოპოზიციაშიც “ნაციონალური მოძრაობა” თავიდან მოიშორო ისინი მიაქანებენ პოლიტიკურ ძალას ჩიხისკენ,”- განაცხადა თეა წულუკიანმა.
