სამართლიანი არჩევნებისა და დემოკრატიის საერთაშორისო საზოგადოების ხელმძღვანელი ელენე ნიჟარაძე აცხადებს, რომ არჩევნების შედეგების პარალელური დათვლის დროს გამოვლენილი ხარვეზები „ქართულმა ოცნებამ“ საზოგადოების შეცდომაში შეყვანისთვის გამოიყენა.

ISFED-ის ხელმძღვანელი ამბობს, რომ „ქართულ ოცნებას“ უნდა ეს ფაქტი წარმოაჩინოს როგორც გრანდიოზული სკანდალი.

„სამწუხაროდ ამ კვირაში განვითარდა ის მოვლენები რაც ვიცით, ისტერიული კამპანია „ქართული ოცნების“ მხრიდან მიზანმიმართული იყო იქითკენ, რომ საზოგადოების შეცდომაში შეყვანა მომხდარიყო და მთელი აქცენტი გადატანილიყო ამ საკითხზე მცირედ ხარვეზზე, რაც იყო ჩვენსა და ცესკოს მონაცემებს შორის იმიტომ, რომ დანარჩენი პრობლემების გვერდზე გადადება მომხდარიყო.

გასაგებია მათი მხრიდან ეს სტრატეგია, ისინი არ აღიარებენ ამ პრობლემებს. ამ დარღვევებს პირდაპირ უარყოფენ, რაც კობახიძემ გუშინ განაცხადა, რომ არ ყოფილა ადმინისტრაციული რესურსი გამოყენება, არც დისპროპორცია, არც მოსყიდვა და არც არაფერი, უნდათ რომ ეს თემები გადადონ გვერდზე და უნდათ რომ წარმოაჩინონ თითქოს ეს იყო გრანდიოზული სკანდალი“, – განაცხადა „მთავარი არხის“ ეთერში ISFED-ის ხელმძღვანელმა, ელენე ნიჟარაძემ.

ISFED-ი პარალელური დათვლის დაზუსტებულ შედეგებს აქვეყნებს – ის პირველად შედეგში ხარვეზს აღიარებს