ისრაელის პრეზიდენტმა, რეუვენ რივლინმ პრემიერ-მინისტრს, ბენიამინ ნეთანიაჰუს ახალი მთავრობის ფორმირება დაავალა. ინფორმაციას ამის შესახებ Timesofisrael-ი ავრცელებს.
რივლინის თქმით, ნეთანიაჰუს წინააღმდეგ დაწყებული სასამართლო პროცესის მიუხედავად, ქვეყნის კანონის შესაბამისად, ბრალდებულ პრემიერ-მინისტრს უფლებამოსილების გაგრძელება შეუძლია.
ნეთანიაჰუს მთავრობის ფორმირებისთვის 28 დღე აქვს.
შეგახსენებთ, რომ ისრაელში ბოლო ორ წელიწადში საპარლამენტო არჩევნები მეოთხედ ჩატარდა, თუმცა უმრავლესობის მოპოვება ვერც ერთმა პარტიამ ვერ შეძლო.
