ისრაელმა დამასკოს მახლობლად მიმდებარე ტერიტორიის მიმართულებით საჰაერო თავდასხმა განახორციელა. შემთხვევა დღეს დილით მოხდა. ამის შესახებ უცხოური მედია წერს.
გამოცემის ცნობით, დილის ორი საათისთვის სირიის საჰაერო თავდაცვამ ისრაელის რაკეტების უმეტესი ნაწილი ჩამოაგდო. იმ დროისთვის, როდესაც სირიამ საჰაერო თავდასხმის შესახებ განაცხადა, ისრაელის ცენტრალური ნაწილის მკვიდრებმა დიდი აფეთქების ხმა გაიგონეს.
,,ისრაელმა განახორციელა საჰაერო თავდასხმა ბეირუთის სამხრეთ-აღმოსავლეთიდან და ქალაქ დამასკოს სიახლოვეს დაუმიზნა”, – ნათქვამია სირიის სამხედრო წყაროს განცხადებაში.
შემთხვევას მსხვერპლი არ მოჰყოლია.
