ისრაელი აცხადებს, რომ Pfizer/BioNtech-ის კორონავირუსის ვაქცინამ 92%-იანი ეფექტურობა აჩვენა.
ინფორმაციას ამის შესახებ Guardian-ი ავრცელებს.
კერძოდ, Maccabi-ის სამედიცინო სერვისების მიერ ჩატარებული კვლევის მიხედვით, 163 000 ადამიანიდან, რომლებმაც Pfizer/BioNtech-ის ვაქცინის ორივე დოზა მიიღეს, ვირუსით მხოლოდ 31 მათგანი დაინფიცირდა.
კოვიდით ინფიცირებული ადამიანებიდან ჰოსპიტალიზაცია არცერთს არ დასჭირვებია. მათ ვირუსის მსუბუქი სიმპტომები აღენიშნებოდათ.
