2021 წლის ივნის-ივლისში საქართველოში შემოსული უცხოელებიდან ყველაზე მეტი – 75 064 რუსეთის მოქალაქე იყო.
საქართველოს სახელმწიფო საზღვარზე გადაადგილებული პირების სტატისტიკური მონაცემების მიხედვით, მეორე ადგილზეა თურქეთი, შემდეგ უკრაინა, სომხეთი, ევროკავშირის ქვეყნები, ხოლო მეექვსე ადგილზეა ისრაელი.
2021 წლის ივნისსა და ივლისში საქართველოში შემოვიდა:
75 064 რუსეთის მოქალაქე; 70 883 თურქეთის მოქალაქე; 52 933 უკრაინის მოქალაქე; 45 486 სომხეთის მოქალაქე; 42 174 ევროკავშირის ქვეყნების მოქალაქეები; 36 538 ისრაელის მოქალაქე.
ამასთან, 2021 წლის პირველი ივნისიდან პირველ აგვისტომდე პერიოდში საქართველოში ჯამში 481 465 უცხო ქვეყნის მოქალაქე შემოვიდა.
ცნობისთვის, საქართველომ უცხო ქვეყნის მოქალაქეებისთვის სახმელეთო საზღვრები 2021 წლის 1-ლი ივნისიდან გახსნა.
