ჩემგან მგონია, რომ არასწორი იქნება ახლა საუბარი იმაზე, რომ ვიღაცა ამ მოლაპარაკებების ჩაშლას ცდილობს, თუმცა არ გამოვრიცხავ, რომ ცალკეულ პოლიტიკურ პარტიებსა და ლიდერებს ასეთი დღის წესრიგი ჰქონდეს,- ამის შესახებ „რუსთავი2“-ის ეთერში „გირჩის“ ერთ-ერთმა ლიდერმა, ზურაბ ჯაფარიძემ განაცხადა.
მისი თქმით, არ გამორიცხავს, რომ გარკვეული პოლიტიკური ძალების ინტერესში იყოს, რომ პროცესები პარლამენტს გარეთ გაგრძელდეს.
„ზოგადად ეტყობათ პარტიებს, ვინ რა მოტივებით მოძრაობს. არ გამოვრიცხავ რომ გარკვეული პოლიტიკური ძალების და ლიდერების ინტერესში იყოს ის, რომ მოლაპარაკებები არ შედგეს, არ დასრულდეს კონკრეტული პოლიტიკური შედეგით და პოლიტიკური პროცესი გაგრძელდეს პარლამენტს გარეთ. “ნაციონალური მოძრაობაც” შეიძლება შეიძლება იყოს ეგეთი, “ნაციონალურ მოძრაობაში” შიგნით ადამიანები შეიძლება იყვნენ ეგეთი,” – განაცხადა ჯაფარიძემ.
