„ბოლო პერიოდი რაც უნდა მოხდეს მაშინვე გადაწვდებიან ეკლესიას. ახლაც გარეჯის თემაზე, ეკლესიისგან რა უნდათ? გარეჯი საუკუნეების მანძილზე ეკლესიამ შემოინახა“,- ამის შესახებ ბოდბის ეპარქიის მთავარეპისკოპოსმა, მეუფე იაკობმა დღეს ქადაგებისას განაცხადა.
როგორც იგი ამბობს, მოვა დრო და ეს საკითხი ორივე მხარის სასიკეთოდ გადაწყდება.
„ჩვენ ყველა იმ ძალასთან ვითანამშრომლებთ, რომლებსაც საქართველოში სიკეთე უნდა, მით უემტეს გარეჯი ჩვენი ისტორიაა. ვინები გვიყიჟინებენ ჩვენ რომ ეკლესია თურმე არ ვაკეთებთ იმას, რასაც უდნა ვაკეთებდეთ.
ატყდა ერთი ვაივიში. ასე რატომ მოხდა, რატომ დაიჭირეს. ჯერ ერთი, ეკლესიას არავინ დაუჭერია, შიგნითაც არ გვაქვს სასამართლო სისტემა, უბრალოდ თუ ადამიანი ხმას ამოიღებს იმისთვის, რომ დაიცვას თავისი მამული, შეიძლება ამ საშინელ დროს, არჩევნების პერიოდში მტერიც გამოხვიდე. ყველა მხარე გაგწირავს, დარტყმა მოდის, ჩანს, რომ ეკლესიის ძლიერება არ უნდათ, ამიტომ ჩვენ ამაში ხელი არავის არ უნდა შევუწყოთ.
ჯობია ყველანი დაცხრნენ. ძიება დაიწყო თუ რა, მე ვთქვი, ეს არ შეცვლის გარეჯის საკითხს. აზერბაიჯანელებმა ურთიერთობაც იციან, მეგობრობაც იციან. მოვა დრო და ისე დავილაპარაკებთ, რომ ჩვენთვისაც სასიკეთოდ დამთავრდება და ისინიც კმაყოფილები დარჩებიან“,- აღინშნავს მეუფე იაკობი.
