“ნიკასთან გვქონდა საუბარი იმაზე, რომ ერთად ვიაროთ შეთანხმებისკენ, ანუ მოლაპარაკებისკენ და ნიკას სანაცვლო თხოვნა იყო, რომ რაღაცნაირად “ევროპულ საქართველოსთან” და ვაშაძესთან მიმდინარე ჩვენი წინა კვირის კონფლიქტი დაგვესრულებინა”, – ამის შესახებ პარტია “გირჩის” ერთ-ერთმა ლიდერმა, ვახტანგ მეგრელიშვილმა “რუსთავი 2-ის” ეთერში განაცხადა.

მეგრელიშვილმა ნიკა მელიასა და იაგო ხვიჩიას შორის არსებულ კონფლიქტზეც ისაუბრა და განაცხადა, რომ “კაჩაობა არ მოსულა”.

“სიტუაცია გვაქვს ისეთი, რომ ქართულ პოლიტიკაში ლაპარაკის გარეშე არ გამოვა. როდესაც “ქართულმა ოცნებამ” თქვა, რომ ვამთავრებთო ამ თემასო, ნიკამ თქვა, რომ აზრი აღარ აქვსო საუბარსო. ჩვენ გადავწყვიტეთ, რომ მაინც აქვს მნიშვნელობა ამ თემის გამოტანას, საჯაროდ საუბარს და ამას მოჰყვა სინამდვილეში ჩვენი კონფლიქტი.

იარაღის ტარების უფლება ჩემი აზრით ყველა ადამიანს აქვს ამ ქვეყანაში. ის, რომ იაგომ ეს გამოიყენა და წამოწია ეს თემა, მნიშვნელოვანია. უბრალოდ ის ტონი, რომ რაღაცა ჩვენ და “კაჩაობა“, ჩემი აზრით მართლა არ მოსულა”, – განაცხადა ვახტანგ მეგრელიშვილმა.

სკანდალი: „ნიკა მელიამ დამირეკა და დამემუქრა“ – იაგო ხვიჩია იარაღის ტარების უფლებას ითხოვს