„მიუხედავად პანდემიით გამოწვეული რთული ვითარებისა, სოციალური და ჯანდაცვის მიმართულებების ბიუჯეტიდან ერთი თეთრი არ მოგვიკლია. პირიქით – დავამატეთ“,- ამის შესახებ დედაქალაქის მერმა, კახა კალაძემ მართვისა და ეკონომიკური განვითარების პოლიტიკის მიმართულებით განხორცილებული პროექტების ანგარიშის წარდგენისას განაცხადა.
მისი თქმით, ნებისმიერ მოქალაქეს, რომელსაც, სოციალური ან ჯანდაცვის მიმართულებით, დახმარება სჭირდება, დედაქალაქის მერიის იმედი შეუძლია ჰქონდეს.
„სოციალური მიმართულებით, ჩვენ გვაქვს ძალიან მაგარი პროგრამები, რომლებითაც ვეხმარებით ოჯახებს, ადამიანებს, სტუდენტებს. ასევე, ჯანდაცვის მიმართულებით, დაფინანსდა ძალიან ბევრი პროგრამა. 2 მილიონზე მეტი მოთხოვნა დავაკმაყოფილეთ. რა თქმა უნდა, ვისურვებდი, რომ რაც შეიძლება ნაკლები სოციალურად დაუცველი ოჯახი ჰყავდეს ქალაქს, მაგრამ ვიდრე ამის საჭიროება და აუცილებლობა დგას, მათ ყოველთვის ექნებათ ჩვენი მხარდაჭერა და თანადგომა“, – აღნიშნა დედაქალაქის მერმა.
