საქართველოს პარლამენტის თავმჯდომარის ოფიციალური ვიზიტი ბრიუსელში გრძელდება. კახა კუჭავა დღეს ნატოს გენერალური მდივნის მოადგილეს შეხვდება.
როგორც ევროპასთან ინტეგრაციის კომიტეტის თავმჯდომარე მაკა ბოჭორიშვილი აცხადებს, საუბარი შეეხება შავი ზღვის უსაფრთხოების თემებს და ნატოს დაგეგმილ სამიტს.
კახა კუჭავა პარლამენტის თავმჯდომარის რანგში პირველი ოფიციალური ვიზიტით, ბრიუსელს ეწვია. პარლამენტის დელეგაციაში ვიცე-სპიკერი ლევან იოსელიანი და ევროპასთან ინტეგრაციის კომიტეტის თავმჯდომარე – მაკა ბოჭორიშვილი შედიან.
