ჩემთვის პოლიტპატიმარი ნელსონ მანდელაა. მას თუ შეიძლება შევადაროთ ნიკა მელია და გიორგი რურუა, ჩავთვალოთ პოლიტპატიმრებად, – ამის შესახებ გია გაჩეჩილაძემ იგივე „უცნობმა“ ვახო ხუზმიაშვილის გადაცემაში „თავისუფალი სივრცე“ განაცხადა.
მისივე თქმით, ნიკა მელიამ კანონი, რომ დაარღვია მთელმა საქართველომ ნახა.
„ამ ტერმინს ძალიან უნდა გავუფრთხილდეთ. პოლიტპატიმარი იცით ვინ იყო ჩვენს ქვეყანაში? მერაბ კოსტავა. შეიძლება ერთ დონეზე დავაყენოთ ნიკა მელიასთან? რომელსაც შეეძლო გადაეხადა გირაო. კანონი რომ დაარღვია, მთელმა საქართველომ ვნახეთ და რა შუაშია პოლიტპატიმრობა. თან იქადნებოდა, ვერ დამიჭერთო. ახლაც აქვს მას შანსი გამოსვლის. საკუთარ ქვეყნას ეჭიდავება და ეჯიბრება? ვერ გავიგე,“ – განაცხადა გაჩეჩილაძემ.
