რესპუბლიკური საავადმყოფოს დირექტორი ლევან გოფოძე საქართველოშ არსებულ ეპიდსიტუაციასთან დაკავშირებით, აცხადებს, რომ ქვეყანაში პროცესები კონტროლირებადია.
როგორც მან „პრაიმტაიმნიუსთან“ საუბრისას განაცხადა, საქართველოში ჯერ კარანტინის გამოცხადება მიზანშეწონილი არ არის.
„ამ შემთხვევაში, სიტუაცია რთულად არ მეჩვენება. ეს რიცხვი, ჯერჯერობით, მაღალი არ არის. ყველაზე ცუდი ის არის, რომ მოიმატა დაუდგენელი წყაროს რაოდენობამ, ამიტომ უფრო მეტი სიფრთხილე გვმართებს. ჯერ კარანტინის გამოცხადება მიზანშეწონილი არ არის, თუმცა შევხედოთ გავრცელება, როგორი დინამიკით წავა.
კითხვაზე, როდის, შესაძლოა, დადგეს კარანტინის გამოცხადების საკითხი დღის წესრიგში? გოფოძე გვპასუხობს:
“კარანტინის გამოცხადების საკითხი დღის წესრიგში მაშინ უნდა დადგეს, როცა დღიურად რამდენიმე ასეულს გადააჭარბებს ინფიცირებულთა რაოდენობა. ახლა ჩვენი ეპიდემიოლოგები თვლიან, რომ ეპიდსიტუაცია კონტროლირებადია”,- განაცხადა მან.
საქართველოში კორონავირუსის 170 ახალი შემთხვევა გამოვლინდა. ჯამში ინფიცირებულთა რაოდენობა 2 562-ს შეადგენს, მათგან გამოჯანმრთელებულია 1 381 ადამიანი.
