სამედიცინო პერსონალის დაინფიცირების გამო კასპის საავადმყოფო დაიკეტა.
ადმინისტრაციის წარმომადგენლებმა შენობაში ის თანამშრომლებიც არ შეუშვეს, ვინც კარანტინის გამოცხადების შემდეგ სამსახურში მივიდა.
„ვერ შეგიშვებთ, კარანტინია“, – უთხრა მიმღები განყოფილების წარმომადგენელმა სასწრაფო სამედიცინო დახმარების ბრიგადის წევრებს.
ჩვენს კითხვაზე, თუ რამდენი თანამშრომელია დაინფიცირებული, ადმინისტრაციის წარმომადგენლებმა ვერ გვიპასუხეს. მათი განმარტებით, ზუსტი პასუხი ხვალ იქნება.
„ახლა ვერავის მივიღებთ, მივიღებთ მხოლოდ გადაუდებელ პაციენტებს. გუშინ კი ჩვეულებრივ ვმუშაობდით“, – განაცხადეს ადმინისტრაციის თანამშრომლებმა.
დაკეტილია ასევე სადღეღამისო აფთიაქიც, რომელიც საავადმყოფოს გვერდით მდებარეობს.
ავტორი: თათია გოლოშვილი
