არ ვეთანხმები არანაირ საკანონმდებლო ცვლილებას, რომელიც ოპოზიციის შევიწროებას ითვალისწინებს, – ამის შესახებ საქართველოში აშშ-ის ელჩმა, კელი დეგნანმა პარტიებისთვის დაფინანსების შეწყვეტის შესახებ განაცხადა.
„არ ვეთანხმები წამოყენებულ ინიციატივას და არანაირ საკანონმდებლო ცვლილებას, რომელიც ოპოზიციის შევიწროებას ითვალისწინებს ან უზღუდავს მათ მედიასთან წვდომას. ძალიან მნიშვნელოვანია, რომ ამომრჩეველს ჰქონდეს სრული ინფორმაცია, რაც სჭირდება, რათა შემდეგ ლიდერებს დააკისრონ პასუხისმგებლობა. ვიმედოვნებ, ეს კანონპროექტი გადაიხედება, ვიდრე მიიღებენ. ახლა საქართველოს დემოკრატიას სჭირდება განვითარებული, წარმატებული ოპოზიცია და პასუხისმგებლობის მქონე, ეფექტური მმართველი პარტია“, – განაცხადა კელი დეგნანმა ტელეკომპანია „ფორმულას“ ეთერში.
ცნობისთვის, „ქართული ოცნება” ვენეციის კომისიას და ეუთო/ოდირს უგზავნის იმ კანონპროექტებს, რომლებიც პარტიების დაფინანსების წესს და საარჩევნო რეგისტრაციის გაუქმებას ეხება.
