„მე პასუხისმგებლობას ვიღებ, რომ ახალი არჩევნები ამ ქვეყანაში იქნება. სახელმწიფო ასე ფუნქციონირებას ვერ განაგრძობს“,- ამის შესახებ „ნაციონალური მოძრაობის“ წევრმა, ნიკა მელიამ ოპოზიციის შეხვედრის შემდეგ განაცხადა.
როგორც ნიკა მელია ამბობს, თუ შეთანხმება არ შედგა, ოპოზიცია მწვავე პროტესტისთვის დაიწყებს მზადებას, რაც „მშვიდობიანი რევოლუცია“ იქნება.
„ოპოზიციის მხრიდან ძალისხმევა გაძლიერდება და გაგრძელდება, მანამ სანამ ხელახალი არჩევნები არ ჩატარდება. არის გეგმა ,რომლეიც არ არის აუცილებელი თქვენ იცოდეთ.
როდესაც ინსტიტუტებს აუქმებ და სახელმწიფო აღარ ფუნქცინირებს, პროტესტი, რომელიც საზოგადოებაში არსებობს და მხოლოდ და მხოლოდ აზვირთდება, ეს პროტესტი ბუნებრივია. ეს ტრანსფორმირდება მათ შორის მშვიდობიან რევოლუციაში. მშვიდობიანი რევოლუცია არის ის, როდესაც არჩევნებს არ გიტარებთ. გაყალბებული არჩევნებითაც უმცირესობა გაიფორმა უმრავლესობამ. ოპოზიცია გეგმაზობიერად მოქმედებს. ერთი მოთხოვნა არის უცვლელი, რაც არ გადაიხედება – ახალი არჩევნები.
აქ მეგობრები არ ვართ შეკრებილები, უბრლაოდ გავერთიანდით ერთი საკითხის გარშემო. ამიტომ ყველა ოპოზიციონერს მოვუწოდებ, თავი შეიკავოს თავდასხმებისგან. თუკი ვინმე ზიანდება, ეს არის ის, ვინც თავს ესხმის ნებისმიერი ოპოზიციური პარტიის ლიდერს“,- განაცხადა ნიკა მელიამ.
