„მოვუწოდებთ მედიას, ტექნოლოგიურ კომპანიებს, სამოქალაქო საზოგადოებას, ხელი შეუშალონ ინფოდემიის გავრცელებას, – ამის შესახებ WHO-ს გენერალურმა დირექტორმა, ტედროს ადჰანომ გებრეიესუსმა განაცხადა.
„მოვუწოდებთ მედიას, ტექნოლოგიურ კომპანიებს, სამოქალაქო საზოგადოებას, მკვლევრებსა და ხალხს ხელი შეუშალონ ინფოდემიის (დეზინფორმაცია პანდემიაზე) გავრცელებას, რადგან ახლა, როგორც არასდროს, სიმართლეს დიდი მნიშვნელობა აქვს. ისევე, როგორც Covid-19-ი მთელ მსოფლიოში გავრცელდა, ჭორები, ტყუილი და დეზინფორმაცია ასევე ვრცელდება“, – განაცხადა WHO-ს გენერალურმა დირექტორმა.
მისი თქმით, ყველა ქვეყანამ უნდა გააერთიანოს ძალისხმევა ჯანმრთელობის შესახებ მეცნიერებაზე დაფუძნებული ინფორმაციის გავრცელებისა და დეზინფორმაციის წინააღმდეგ ბრძოლის მიზნით.
