„გირჩის“ ლიდერი ზურაბ გირჩი ჯაფარიძე აცხადებს, რომ საქართველოში კორონავირუსის გავრცელება გაცილებით მაღალია ვიდრე ამას სტატისტიკა აჩვენებს.
მისივე თქმით, სეროპრეველანტურმა კვლევამ აჩვენა, რომ თბილისში, სადღაც 40 ათას ადამიანამდეა ინფიცირებული.
„საქართველოში ჩატარებულმა მთავრობის მიერ გამოცხადებულმა სეროპრევალენტურმა კვლევამაც აჩვენა, რომ მინიმუმ თბილისში სადღაც 40 ათას კაცამდე უნდა იყოს ინფიცირებული.
ვირუსი არსებობს ამ ქვეყანაში, ჩვეულებრივად ვრცელდება და ეს არის ილუზია, რომ ვითომ ჩვენ საზღვრები გვაქვს ჩაკეტილი და ვიცავთ ქვეყანას რომ ვირუსი არ შემოგვეპაროს. სისულელეა, ილუზიაში ვცხოვრობთ,”- განაცხადა ზურაბ გირჩი ჯაფარიძემ.
„გირჩის“ ლიდერის თქმით, აუცილებელია იმ ადამიანების დაცვა ვირუსისგან რომლებიც რისკის ჯგუფს წარმოადგენენ.
„სინამდვილეში ზღაპარი და ილუზიაა, რომ დავიჯეროთ ხელისუფლებამ ვირუსი გააკავა. მეტროს ჭერი რომ თავზე გენგრევა ეგეთ ხელისუფლებაზე დაიჯერო რომ ჰაერ-წვეთოვანი გზით გადამდები ვირუსი გააქრო ქვეყნიდან? ვირუსი ვრცელდება ქვეყანაში, რაც არის გასაკეთებელი არის ის კონკრეტული ქრონიკული დაავადებების შემთხვევაში ამ ვირუსს აქვს ლეტალური დასასრულის რისკი.
გასაკავებელი არის ის რომ იმ ადამიანებამდე არ მიაღწიოს, რომლებისთვისაც ესაა რისკი, დანარჩენებს ყველას მაინც მოგვიწევს ამ ვირუსის გადატანა.
სხვა გზა არ არსებობს, არც ვაქცინა იქნება მალე, არც წამალი, ანუ პოპულაციური იმუნიტეტი რასაც ჰქვია ეგ უნდა გამოვიმუშაოთ. ყველა ქვეყანა მიხვდა და ნელნელა გადავიდა ამაზე, ჩვენ რაღაც ჯორივით გავიჭედეთ“, – განაცხადა ზურაბ გირჩი ჯაფარიძემ.
