„იმ დროის განმავლობაში რაც მე ხელისუფლებაში ვიყავი, ძალიან ცოტა შეცდომა დავუშვი. ერთმანეთში არ აგერიოთ 9 წელი და 3 წელი, რომელიც მე გავატარე ხელისუფლებაში. “ – ამის შესახებ „გამარჯვებული საქართველოს“ ლიდერმა ირაკლი ოქრუაშვილმა, აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა „თავისუფალ სივრცეში“ განაცხადა.
ოქრუაშვილმა საზოგადოებას კიდევ ერთხელ შეახსენა ის საქმეები, რომელიც მისის ხელისუფლებაში ყოფნის პერიოდში გაკეთდა.
„ხალხს ახსოვს ჩაბნელებული და ყაჩაღებით სავსე თბილისი, „გაიშნიკები“, რომლებიც 2 ლარს იღებდნენ, ჯარი, რომელიც იყო ჩაუცმელი და მშიერი. ხალხს კარგად ახსოვს ჯარი, რომელიც მე დავტოვე, ხალხს ასევე კარგად ახსოვს საპატრულო პოლიცია, რომელიც მე დავტოვე.“- განაცხადა ირაკლი ოქრუაშვილმა.
Posted by აჭარის ტელევიზია • Ajara TV – საზოგადოებრივი მაუწყებელი on ოთხშაბათი, 23 სექტემბერი, 2020
