თბილისის მერიასთან ხმაური იყო. ადგილზე შეკრებილები მუნიციპალურ ტრანსპორტზე შეზღუდვის გაგრძელებას აპროტესტებდნენ.
არსებული ინფორმაციით, „ლეიბორისტული პარტიის“ ახალგაზრდული ფრთის წევრმა მამუკა ჯუღელმა სამართალდამცველებს სიტყვიერი შეურაცხყოფა მიაყენა, რამაც სამართალდამცველებსა და აქციის მონაწილეებს შორის დაპირისპირება გამოიწვია. ჯუღელი სამართალდამცველებმა დააკავეს.
„ჩვენ კახი კალაძისგან დაუყოვნებლივ მოვითხოვეთ, რომ გეგმა წარმოგვიდგინოს იმის შესახებ თუ როგორ უნდა გაიხსნას ტრანსპორტის მოძრაობა გეგმურად, როგორც იყო 4 სექტემბერს დაგეგმილი. როდესაც შიგნით შევედით საჯარო სივრცეში მაშინ ამ ადამიანებმა გადაწყვიტეს, რომ დაეკავებინათ მამუკა ჯუღელი“, – აცხადებს „ლეიბორისტული პარტიის“ ახალგაზრდული ფრთის ერთ-ერთი წევრი.
