კიევში, 17 ნოემბერს, პარლამენტის შენობასთან საპროტესტო აქციაზე შეტაკება მოხდა. ამის შესახებ ინფორმაციას ადგილობრივი მედია ავრცელებს.
საპროტესტო აქციის „Кабмин на карантин „ ორგანიზატორი მეწარმეთა ასოციაციაა. აქციაში მონაწილეობენ მცირე და მსხილი ბიზნესის წარმომადგენლები, მეწარმეები, ასევე ბიზნეს ასოციაციები მთელი უკრაინიდან. მომიტინგეები გამოდიან სალარო აპარატების შემოღების წინააღმდეგ და შაბათ-კვირის კარანტინის გაუქმებას მოითხოვენ.
დილიდან მომიტინგეებმა გადაკეტეს მიხეილ გრუშევსკის ქუჩა.
მოგვიანებით „РБК-Украина“-ს განცხადებით, აქციის დროს პარლამენტის წინ შეტაკება მოხდა. აქციის მონაწილეებმა პარლამენტის წევრებს შენობაში შესვლის უფლება არ მისცეს, ამიტომ მილიციამ სცადა შეექმნა კორიდორი , იმისთვის რომ კანონმდებლები შენობაში შესულიყვნენ.
შეგახსენებთ, რომ დღეს უკრაინის პარლამენტმა პირველი მოსმენით უნდა დააამტკიცოს კანონპროექტი სალარო აპარატების სავალდებულო გამოყენების შესახებ.
წყარო : yandex.ua
