ძალიან ვწუხვარ, მაგრამ ეს განცხადება საკმარისი არაა! კინაღამ ქვეყანა აყირავეთ ამ „შეცდომით“! რატომ შეუწყვეთ ხელი სახელმწიფო ინსტიტუტის ნგრევის მცდელობებს? – ასე ეხმაურება საქართველოს პარლამენტის წევრი, თეა წულუკიანი „სამართლიანი არჩევნების“ ხელმძღვანელის, ელენე ნიჟარაძის განცხადებას.
დეპუტატი „სამართლიან არჩევნებს“ მოუწოდებს, რომ მოიხადონ ბოდიში „ხარვეზისათვის“.
„ძალიან ვწუხვარ, მაგრამ ეს განცხადება საკმარისი არაა! კინაღამ ქვეყანა აყირავეთ ამ „შეცდომით“! და თქვენი ეს მძიმე მდგომარეობა „მძიმე მდგომარეობაა“, ხოლო თქვენი „შეცდომის“ გამო ცესკოზე რომელიც, თქვენგან განსხვავებით, არა უბრალოდ ენჯეო, არამედ სახელმწიფო ინსტიტუტია, საძაგელი და უზრდელი თავდასხმები მათთვის სავარაუდოდ ძალიან სახალისო პერიოდი იყო?!
ხომ აღმოჩნდა, რომ თქვენმა პარალელურმა დათვლამ, ანუ დათვლა იმავე ოქმებზე დაყრდნობით! ზუსტად იგივე შედეგი აჩვენა ყველა პარტიის შემთხვევაში, რაც ცესკოს დათვლამ? მაშინ რატომ შეუწყვეთ ხელი სახელმწიფო ინსტიტუტის ნგრევის მცდელობებს? მოიხადეთ ბოდიში „ხარვეზისათვის“ (what a sexy name!), რომელსაც ამდენი ხნის განმავლობაში ეყრდნობოდა ოპოზიცია, იძახდა რომ გაყალბდა და გეგმავდა ამ ძლივს სტაბილურად შენარჩუნებულ დამოუკიდებელ ქვეყანაში დესტაბილიზაციას ! ეგებ აღიდგინოთ ნდობა მომავალი არჩევნებისთვის“, – წერს თეა წულუკიანი სოციალურ ქსელში.
მძიმე იყო ამ განცხადების გამოქვეყნება, თუმცა ეს არის რეალობა – ISFED-ის აღმასრულებელი დირექტორი
